Job 25

UBhilidadi Uyaphendula

1 Kwathi-ke uBhilidadi umShuhi waphendula wathi:

2 “Umbuso lesizotha kukuye uNkulunkulu; nguye omisa konke ngemfanelo ezulwini eliphezulu.

3 Amabutho akhe angabalwa na? Ngubani ongaphunyelwa yikukhanya kwakhe na?

4 Pho umuntu angaba ngolungileyo njani kuNkulunkulu na? Angenza njani ozelwe ngowesifazana ukuthi ahlanzeke na?

5 Khangela, nxa inyanga ngokwayo ingakhazimuli, lezinkanyezi zingahlanzekanga emehlweni akhe,

6 pho umuntu-ke usilela kanganani, oyimpethu nje indodana yomuntu, eyinhlava nje kuphela!”